អ៊ីស្រាអែល បានសាងសង់មូលដ្ឋានយោធាសម្ងាត់មួយនៅតំបន់វាលខ្សាច់ក្នុងប្រទេសអ៊ីរ៉ាក់ ដើម្បីគាំទ្រការវាយប្រហារលើអ៊ីរ៉ង់។ របាយការណ៍បញ្ជាក់ថា សហរដ្ឋអាមេរិកបានដឹងអំពីមូលដ្ឋាននេះ ប៉ុន្តែរដ្ឋាភិបាលអ៊ីរ៉ាក់មិនបានដឹងទេ។
ប្រភពពីសារព័ត៌មានTRT world នៅថ្ងៃទី១០ខែឧសភា។
មូលដ្ឋាននេះស្ទើរតែត្រូវបានរកឃើញ បន្ទាប់ពីអ្នកគង្វាលចៀមម្នាក់ឃើញសកម្មភាពយោធាគួរឱ្យសង្ស័យ ហើយកងទ័ពអ៊ីរ៉ាក់ចាប់ផ្តើមស៊ើបអង្កេត។ បន្ទាប់មក អ៊ីស្រាអែលបានវាយប្រហារតាមអាកាសលើកងទ័ពអ៊ីរ៉ាក់ ដើម្បីរារាំងពួកគេមិនឲ្យទៅដល់ទីតាំងនោះ។ ការវាយប្រហារនេះបានសម្លាប់ទាហានអ៊ីរ៉ាក់ម្នាក់ និងធ្វើឲ្យរដ្ឋាភិបាលអ៊ីរ៉ាក់ថ្កោលទោសយ៉ាងខ្លាំង៕