កប៉ាល់កុងតឺន័រចំនួន៤២គ្រឿងរបស់ក្រុមហ៊ុនដឹកជញ្ជូនធំៗនៅលើពិភពលោក នៅតែជាប់ក្នុងឈូងសមុទ្រពែរ្ស បន្ទាប់ពីច្រកសមុទ្រHormuzត្រូវបានបិទអស់រយៈពេល២ ខែ ដោយសារសង្គ្រាមអ៊ីរ៉ង់។
ប្រភពពីសារព័ត៌មានAnadolu Agency នៅថ្ងៃទី១២ខែឧសភា។
ក្នុងចំណោមកប៉ាល់ ៥៣ គ្រឿង មានតែ៩គ្រឿងប៉ុណ្ណោះដែលអាចចាកចេញបាន។ ក្រុមហ៊ុនដឹកជញ្ជូនជាច្រើនដូចជា CMA CGM, MSC និង Maersk នៅតែមាននាវាជាប់គាំងជាច្រើនគ្រឿង។
ស្ថានភាពនេះកំពុងប៉ះពាល់ដល់ការដឹកជញ្ជូនទំនិញពិភពលោក ធ្វើឱ្យកំពង់ផែ និងខ្សែសង្វាក់ផ្គត់ផ្គង់រងសម្ពាធខ្លាំង ខណៈនាវិកជាច្រើននៅតែជាប់លើនាវា៕