(កណ្តាល)៖ លោក សុខ សុផល អះអាងថា ខ្លួនពិតជាបានយកលុយដាក់ខែពីអ្នកលក់ទំនិញ.បន្លែ.ផ្លែឈើ.នៅលើដងផ្លូវជាតិលេខ៦ ត្រង់ចំណុចមុខរោងចក្រ”ស៊ីហាវ ហ៊ែនប៊ែក.ឯ.ក”អតីតរោងចក្រក្ដារបន្ទះ នៃស្រុកមុខកំពូល ប្រាកដមែន..!!។
បើតាមលោក សុខ សុផល ការកំណត់យកលុយពីអ្នកលក់ដូរ តាមរ៉ឺម៉កម៉ូតូលើដងផ្លូវជាតិបែបនេះ គឺមានរយៈពេល៤ខែមកហើយ!។
លោក សុខ សុផល
បញ្ជាក់ថា លុយដែលខ្លួនប្រមូលបានរាល់ខែ គឺយកមកផ្គត់ផ្គង់ដល់រដ្ឋបាលស្រុកមុខកំពូល.!។
លោក សុខ សុផល បញ្ជាក់ទៀតថា ខ្ញុំយកលុយពីអ្នកលក់ដូរត្រង់ចំណុចខាងលើ ដោយអនុវត្តតាមបទបញ្ជារបស់លោកអភិបាលស្រុក និងឯកឧត្ដម គួច ចំរើន អភិបាលខេត្តកណ្ដាល ដោយលោកមិនហ៊ានយកលុយដោយចិត្តឯងនោះទេ.ព្រោះខ្លាចមានទោសត្រូវជាប់គុក.!!។
*ករណីនេះអភិបាលរងស្រុកម្នាក់ បានទទួលស្គាល់ថា គឺមានការយកលុយពិតមែន.!។
*សូមជម្រាបថា ការលក់ដូរលើដងផ្លូវជាតិលេខ៦ ស្ថិតនៅភូមិកណ្ដាល ឃុំព្រែកអញ្ចាញ ស្រុកមុខកំពូល ខេត្តកណ្តាល គឺអ៊ូអរនៅពេលព្រឹកព្រលឹម ម៉ោងកម្មករកម្មការិនី ចូលធ្វើការ និងល្ងាចនៅម៉ោងដែលកម្មករចេញពីធ្វើការវិញ ខណៈរោងចក្រនៅទីនោះមានចំនួន២ទល់មុខគ្នា.!។
ពោលគឺ ខាងកើតផ្លូវជាតិ អតីតរោងចក្រក្ដារបន្ទះ បច្ចុប្បន្នជារោងចក្រកាបូប(ស៊ីហាវ ហ៊ែនប៊ែក.ឯ.ក)រីឯខាងលិចផ្លូវជារោងចក្រខោអាវ.!។
*ជុំវិញរឿងនេះ ប្រជាពលរដ្ឋដែលលក់ដូរលើដងផ្លូវជាតិលេខ៦ ត្រង់ចំណុចខាងលើ បានលើកឡើងថា ខាងរដ្ឋបាលស្រុកមុខកំពូល ពិតជាបាន កំណត់យកលុយដាក់ខែ ពីពួកខ្លួនប្រាកដមែន.!។
ពលរដ្ឋបន្តថា សម្រាប់អ្នកលក់ដូរតាមរ៉ឺម៉កខ្នាតតូច ឬក្រាលតង់ផ្ទាល់ហ្នឹងដី ១ខែបង់ឱ្យស្រុក.ចំនួន៥០.០០០រៀលជាកំហិត!។
ចំណែករ៉ឺម៉កម៉ូតូ លក់ផ្លែឈើរៀងធំបន្តិច.រ៉ឺម៉កលក់នំប៉័ងសាច់ និងរ៉ឺម៉កលក់ស្លាបមាន់ក្រឡុក ឬប្រហិតចៀនវិញ.គឺ១ខែបង់ចាប់ពី៧០.០០០រៀលទៅ១០០.០០០រៀលយ៉ាងទៀងទាត់.!។
*បើតាមពលរដ្ឋ ការបង់លុយនេះ គឺមាន២ផ្នែកដាច់ដោយឡែកពីគ្នា ជាក់ស្តែងអ្នកលក់ដូរ នៅតាមចំហៀងប៉ែកខាងកើតនៃផ្លូវជាតិលេខ៦ បង់ឱ្យរដ្ឋបាលស្រុក.ដូចចំនួនខាងលើ.!។
ខណៈអ្នកលក់ដូរ ខាងកើតនេះទៀត គឺតាមបណ្ដោយរបងរោងចក្រ.កាបូប(ស៊ីហាវ ហ៊ែនប៊ែក.ឯ.ក)បង់ឱ្យខាងរោងចក្រ ក្នុង១ខែ ចំនួន២០០.០០០រៀល សម្រាប់១ប្លង់.!។
*ដើម្បីឱ្យមានចម្លើយទាំងសងខាង”ដើមរាំង”បានសុំការបំភ្លឺពីលោកស្រី ពៅ ចាន់ថា មេភូមិកណ្ដាល
ដោយលោកស្រី បានថ្លែងទទួលស្គាល់ថា ពិតជាមានការប្រមូលលុយ ពីអ្នកលក់ដូរលើដងផ្លូវជាតិលេខ៦ ប្រាកដមែន!។
លោកស្រីមេភូមិ បញ្ជាក់ថា ការយកលុយខែទាំងនេះ គឺខាងសណ្ដាប់ធ្នាប់ស្រុក ជាអ្នកយក.ពុំមែនប្រជាការពារឬអាជ្ញាធរភូមិ.នោះទេ.!។
*នៅថ្ងៃទី១៣.០៥.២០២៦”ដើមរាំង”ក៏បានទំនាក់ទំនងទៅលោក មិន យ៉ុន មេឃុំព្រែកអញ្ចាញ
តាមរយៈទូរស័ព្ទលេខ092568565 ប៉ុន្តែលោកឱ្យមនុស្សស្រីលើកជំនួស រួចប្រាប់ថាច្រឡំលេខហើយ គឺនៅពោធិ៍សាត់.!។
*រីឯលោក ហុង គីរី អភិបាលរងស្រុកមុខកំពូល
បានថ្លែងមកកាន់”ដើមរាំង”ថា បើមិនយកលុយពីពួកគាត់ តើឱ្យពួកគាត់.លក់ដូរអាណាធិបតេយ្យឬយ៉ាងណា.?។
-ចំពោះសំណួរថា ចុះបើអាជ្ញាធររៀបចំឱ្យពួកគាត់លក់ដូរ កុំយកលុយបានដែរឬទេ…?។
-ត្រង់ចំណុចនេះលោក ហុង គីរី បានឆ្លើយថា មិនយកលុយម៉េចនឹងកើត បើយើងរៀបចំសណ្ដាប់ធ្នាប់ ហើយលុយទាំងនោះយកមកផ្គត់ផ្គង់ប្រជាការពារ ពុំមែនយកមកឱ្យរដ្ឋបាលស្រុកនោះទេ.!។
លោក ហុង គីរី អះអាងថា ប្រសិនបើ”ដើមរាំង”ចុះផ្សាយរឿងនេះលោកនឹងលែងឱ្យពលរដ្ឋលក់ដូរតែម្ដង.!។
*ចំណែកលោក យី យ៉េន អភិបាលស្រុកមុខកំពូល
បានថ្លែងថា ខ្ញុំមិនដឹងទេចំពោះការយកលុយខែ ពីអ្នកលក់ដូរលើចិញ្ចើមផ្លូវទាំងនោះ!។
*ចំពោះលោក ឌឹម បូរ៉ា អភិបាលរងខេត្តនិងជាអ្នកនាំពាក្យរដ្ឋបាលខេត្តកណ្ដាល
បានថ្លែងប្រាប់”ដើមរាំង”ថា ខេត្ត ពុំមានគោលការ ឱ្យយកលុយខែបែបនេះឡើយ!។
*ក្នុងរឿងនេះប្រជាពលរដ្ឋ
សុំស្នើយ៉ាងទទូចដល់ ឯកឧត្តម គួច ចំរើន អភិបាលខេត្តកណ្ដាល
ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ
ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ
ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មេត្តាចាត់វិធានការវះកាត់ កុំឱ្យមានការយោគយល់ឱ្យសោះ! ចំពោះមន្ត្រីខិលខូច១ក្ដាប់តូច ដែលបានកំណត់យកលុយខែ ពីអ្នកលក់ដូរបន្តិចបន្តួចគ្រាន់ចិញ្ចឹមក្រពះ ក្រោមហេតុផលផ្សេងៗដូចជា.រៀបចំសណ្ដាប់ធ្នាប់ឬផ្គត់ផ្គង់ប្រជាការពារជាដើម។ល៕
