ប្រធានាធិបតីចិន លោកXi Jinping បានទទួលប្រធានាធិបតីអាមេរិក លោកDonald Trump នៅទីក្រុងប៉េកាំង សម្រាប់កិច្ចប្រជុំសំខាន់មួយ ខណៈសង្គ្រាមអ៊ីរ៉ង់កំពុងធ្វើឱ្យពិភពលោកតានតឹង។
ប្រភពពីសារព័ត៌មានAnadolu Agency នៅថ្ងៃទី១៤ខែឧសភា។
មេដឹកនាំទាំងពីរ នឹងពិភាក្សាអំពីសង្គ្រាមអ៊ីរ៉ង់ បញ្ហាពាណិជ្ជកម្ម បច្ចេកវិទ្យា និងពន្ធគយ។ លោក Trump ក៏ចង់ឱ្យចិនបើកទីផ្សារច្រើនជាងមុនសម្រាប់ក្រុមហ៊ុនអាមេរិកផងដែរ។
ក្នុងដំណើរទស្សនកិច្ចនេះ មានមន្ត្រីអាមេរិក និងនាយកក្រុមហ៊ុនធំៗជាច្រើនអមដំណើរ ដូចជា Elon Musk និង Tim Cook។
កិច្ចប្រជុំនេះកើតឡើង ខណៈសង្គ្រាមនៅមជ្ឈិមបូព៌ាកំពុងប៉ះពាល់ដល់ការដឹកជញ្ជូនប្រេង និងពាណិជ្ជកម្មពិភពលោក៕