មន្ទីរបញ្ចកោណ បានសម្រេចលុបចោលផែនការដាក់ពង្រាយកងពលតូចពាសដែកទៅប្រទេសប្រទេសប៉ូឡូញ ដែលធ្វើឱ្យមានការភ្ញាក់ផ្អើលក្នុងវិស័យយោធា។
ប្រភពពីសារព័ត៌មានAnadolu Agency នៅថ្ងៃទី១៤ខែឧសភា។
តាមរបាយការណ៍ ការសម្រេចនេះស្ថិតក្នុងគម្រោងរបស់ប្រធានាធិបតី Donald Trump ក្នុងការកាត់បន្ថយវត្តមានកងទ័ពអាមេរិកនៅអឺរ៉ុប។ មុននេះ សហរដ្ឋអាមេរិកក៏បានប្រកាសថានឹងដកទ័ពប្រហែល 5,000 នាក់ចេញពីប្រទេសអាល្លឺម៉ង់ផងដែរ។
មន្ត្រីអាមេរិកនិយាយថា គោលបំណងគឺឲ្យសម្ព័ន្ធមិត្តអឺរ៉ុបទទួលខុសត្រូវការពារខ្លួនឯងច្រើនជាងមុន ខណៈអាមេរិកកំពុងកែប្រែយុទ្ធសាស្ត្រយោធារបស់ខ្លួននៅអឺរ៉ុប៕