យោងតាមរបាយការណ៍ប្រព័ន្ធផ្សព្វផ្សាយក្នុងស្រុក បានឱ្យដឹងថាយន្តហោះចម្បាំងអាមេរិក២គ្រឿង បានបុកគ្នានៅឯកម្មវិធីតាំងពិព័រណ៍យន្តហោះមួយ ក្នុងរដ្ឋអៃដាហូ របស់សហរដ្ឋអាមេរិក នាថ្ងៃទីទី១៧.០៥.២០២៦។
សារព័ត៌មានTRT។
ក្រុមបង្ហាញយន្តហោះ E/A-18G Vikings Growler ចំនួន២គ្រឿង បានធ្លាក់ក្នុងអំឡុងពេលសម្តែងនៅឯកម្មវិធីតាំងពិព័រណ៍យន្តហោះ Gunfighters នៅមូលដ្ឋានទ័ពអាកាស Mountain Home។
អ្នកប្រកាសម្នាក់ បានប្រាប់ហ្វូងមនុស្សភ្លាមៗ បន្ទាប់ពីការធ្លាក់យន្តហោះថា អ្នកបើកយន្តហោះទាំងបួននាក់ ត្រូវបាន”រកឃើញថាមានសុវត្ថិភាព”។
ជាមួយនឹងវីដេអូ ដែលថតដោយអ្នកទស្សនាបង្ហាញពីការប៉ះទង្គិចគ្នានៃយន្តហោះទាំងពីរគ្រឿង និងឆ័ត្រយោងចំនួនបួននៅលើអាកាសបន្ទាប់ពីការធ្លាក់យន្តហោះ។
អ្នកប្រកាសកម្មវិធីតាំងពិព័រណ៍យន្តហោះបាននិយាយថា”យើងមានឆ័ត្រយោងល្អចំនួនបួន”។
“ក្រុមនាវិក អាចលោតចេញបាន ពួកគេស្ថិតនៅចម្ងាយមួយម៉ាយ ភាគខាងត្បូងនៃកន្លែងដែលផ្សែងមាន ឆ័ត្រយោងបានធ្លាក់ចុះមក”។
មន្ត្រីបានចាត់ថ្នាក់ឧប្បត្តិហេតុនេះថា ជា “ការប៉ះទង្គិចគ្នានៅលើអាកាស” ហើយមូលដ្ឋានទ័ពអាកាស ត្រូវបានដាក់ឱ្យបិទទ្វារ ខណៈដែលការស៊ើបអង្កេតកំពុងដំណើរការ។
នេះជាលើកដំបូងក្នុងរយៈពេល៨ឆ្នាំដែលកម្មវិធីតាំងពិព័រណ៍ យន្តហោះត្រូវបានធ្វើឡើងនៅមូលដ្ឋានទ័ពអាកាស Mountain Home។
យោងតាមកាសែត Idaho Statesman គ្រោះថ្នាក់ពីមុនបានកើតឡើងនៅក្នុងព្រឹត្តិការណ៍នេះ។
អ្នកបើកយន្តហោះហោះ លើអាកាសម្នាក់បានស្លាប់នៅក្នុងគ្រោះថ្នាក់មួយនៅឯកម្មវិធីតាំងពិព័រណ៍យន្តហោះឆ្នាំ ២០១៨។
នៅឆ្នាំ២០០៣ យន្តហោះ Thunderbird របស់កងទ័ពអាកាសបានធ្លាក់ ប៉ុន្តែអ្នកបើកយន្តហោះអាចលោតចេញបានដោយសុវត្ថិភាព។
ដោយសារតែការធ្លាក់យន្តហោះនៅថ្ងៃអាទិត្យ និងការស៊ើបអង្កេតជាបន្តបន្ទាប់ ព្រឹត្តិការណ៍តាំងពិព័រណ៍យន្តហោះដែលនៅសល់ត្រូវបានលុបចោល៕
