អាជ្ញាធរកំពង់ផែអ៊ីរ៉ាក់ បានចល័តក្រុមស្វែងរកនិងជួយសង្គ្រោះ បន្ទាប់ពីបាត់ទំនាក់ទំនងជាមួយនាវា2គ្រឿងដែលមានទង់ជាតិបូលីវី ឈ្មោះ Bridge 1 និង Bridge 2 នៅតំបន់ឈូងសមុទ្រ។
ប្រភពពីសារព័ត៌មានAnadolu Agency នៅថ្ងៃទី២២ខែឧសភា។
តាមការបញ្ជាក់របស់អាជ្ញាធរ នាវាទាំងពីរមិនបានចូលក្នុងដែនទឹកអ៊ីរ៉ាក់ទេ ហើយក៏មិនមានការផ្ញើសារសុំជំនួយផងដែរ។ អាជ្ញាធរកំពុងប្រើប្រព័ន្ធតាមដានផ្កាយរណប និងសហការជាមួយប្រទេសក្នុងតំបន់ ដើម្បីស្វែងរកទីតាំងនាវា និងក្រុមនាវិក។
អាជ្ញាធរអ៊ីរ៉ាក់ក៏បានទទួលសារពីម្ចាស់នាវា និងភ្នាក់ងារសន្តិសុខកំពង់ផែផ្សេងៗ ស្នើឱ្យជួយរកព័ត៌មានបន្ថែម ក្រោយបាត់ការទាក់ទងជាមួយនាវាទាំងពីរ៕
