(ភ្នំពេញ)៖ ដោយមានការយកចិត្តទុកដាក់ពីលោក ថេង សុថុល អភិបាលខណ្ឌ៧មករា នៅរសៀលថ្ងៃទី២២ ខែឧសភា ឆ្នាំ២០២៦។ រដ្ឋបាលខណ្ឌ៧មករា បានចាត់ឱ្យ លោក ឌី រ័ត្នខេមរុណ អភិបាលរងខណ្ឌ៧មករា ដឹកនាំក្រុមការងាររដ្ឋបាលខណ្ឌ៧មករា។
ចុះពិនិត្យមើលទីតាំងមានវិវាទ នៃការសាងសង់របងដែកស័ង្កសី ដែលមានទំហំទទឹង៣.៦០ម៉ែត្រ និងបណ្តោយ៩.៧០ ម៉ែត្រ មានទីតាំងស្ថិតនៅផ្លូវលេខ១៤៩ ភូមិ៣ សង្កាត់វាលវង់ ខណ្ឌ៧មករា រាជធានីភ្នំពេញ។
នៅរសៀល ថ្ងៃទី២២នេះដែរ លោក វរសេនីយ៍ឯក ជុន ប៊ុនណាន អធិការនគរបាលខណ្ឌ៧មករា បានអញ្ជើញភាគីទាំងសងខាង មកអធិការដ្ឋាននគរបាល ធ្វើការសម្របសម្រួលគ្នា ដើម្បីបញ្ចប់រឿង៕
