រុស្ស៊ី បានបាញ់មីស៊ីលបាលីស្ទិកយ៉ាងខ្លាំងទៅលើទីក្រុងគៀវរបស់ប្រទេសអ៊ុយក្រែន បន្ទាប់ពីទីក្រុងមូស្គូសន្យាសងសឹកចំពោះការវាយប្រហារមុននេះនៅតំបន់ដែលរុស្ស៊ីគ្រប់គ្រង។
ប្រភពពីសារព័ត៌មានTRT World នៅថ្ងៃទី២៤ខែឧសភា។
ការវាយប្រហារនេះបានបណ្តាលឱ្យមនុស្សយ៉ាងហោចណាស់៥នាក់រងរបួស និងបង្កអគ្គីភ័យក្នុងតំបន់លំនៅដ្ឋានជាច្រើន។ ប្រជាជនជាច្រើនបានរត់ចូលជម្រក និងស្ថានីយ៍រថភ្លើងក្រោមដី ដើម្បីគេចពីការវាយប្រហារ។
អាជ្ញាធរទីក្រុងគៀវបានពណ៌នាថា នេះជាការវាយប្រហារដោយមីស៊ីលដ៏ធំមួយលើរដ្ឋធានីអ៊ុយក្រែន៕
