រដ្ឋាភិបាលគុយបា បានថ្លែងអំណរគុណដល់ចិន បន្ទាប់ពីទទួលបានអង្ករជំនួយលើកដំបូង ចំនួន15,000តោន ខណៈប្រទេសកំពុងប្រឈមវិបត្តិមនុស្សធម៌ និងការខ្វះខាតស្បៀងអាហារ។
សារព័ត៌មានAl Jazeera នៅថ្ងៃទី២៥ ខែឧសភា។
ប្រធានាធិបតី Miguel Diaz-Canel បាននិយាយថា ជំនួយនេះបានមកដល់កំពង់ផែ Havana ហើយជាផ្នែកមួយនៃជំនួយសរុបប្រមាណ60,000តោនពីចិន។
លោកក៏បានរិះគន់សហរដ្ឋអាមេរិកថា កំពុងបង្កើនសម្ពាធ និងទណ្ឌកម្មលើគុយបា ក្រោមការដឹកនាំរបស់ Donald Trump ដែលធ្វើឱ្យស្ថានភាពសេដ្ឋកិច្ច និងមនុស្សធម៌កាន់តែអាក្រក់។
សូមបញ្ជាក់ថា៖ បច្ចុប្បន្ន គុយបាកំពុងពឹងផ្អែកខ្លាំងលើជំនួយ និងការនាំចូលពីចិន ទាំងផ្នែកស្បៀងអាហារ និងថាមពល៕
