កងឆ្មាំបដិវត្តន៍អ៊ីស្លាមអ៊ីរ៉ង់(IRGC) បាននិយាយនៅថ្ងៃអង្គារទី២៦.០៥.២០២៦ថា ខ្លួនបានបាញ់ទម្លាក់យន្តហោះគ្មានមនុស្សបើក MQ-9 របស់សហរដ្ឋអាមេរិក ហើយអះអាងថា យន្តហោះគ្មានមនុស្សបើក RQ-4 និងយន្តហោះចម្បាំងF-35 ក៏បានចូលទៅក្នុងដែនអាកាសអ៊ីរ៉ង់មុនពេលដកថយផងដែរ។
សារព័ត៌មានAnadolu។
យន្តហោះនេះ បានចូលទៅក្នុងដែនអាកាសអ៊ីរ៉ង់ លើតំបន់ឈូងសមុទ្រ នេះបើយោងតាមសេចក្តីថ្លែងការណ៍មួយដែលចេញផ្សាយដោយទីភ្នាក់ងារសារព័ត៌មានIRNA របស់រដ្ឋអ៊ីរ៉ង់។
កងកម្លាំងនេះ ក៏បាននិយាយថាខ្លួនរក្សាសិទ្ធិ “ឆ្លើយតបទៅនឹងការរំលោភបំពានបទឈប់បាញ់ណាមួយដោយកងទ័ពអាមេរិកដែលឈ្លានពាន”។
មុននេះបន្តិចថ្ងៃអង្គារ ទីភ្នាក់ងារសារព័ត៌មាន Fars ពាក់កណ្តាលផ្លូវការរបស់អ៊ីរ៉ង់បានរាយការណ៍ថាយន្តហោះរបស់សហរដ្ឋអាមេរិក និងអ៊ីស្រាអែលបានវាយប្រហារនាវាអ៊ីរ៉ង់នៅភាគខាងត្បូងកោះ Larak ជិតច្រកសមុទ្រ Hormuz ដោយបានសម្លាប់អ្វីដែលខ្លួនពិពណ៌នាថាជា”ជនជាតិអ៊ីរ៉ង់ជាច្រើននាក់”។
ការអះអាងទាំងនេះមិនអាចផ្ទៀងផ្ទាត់ដោយឯករាជ្យបានទេ។
ការវិវត្តន៍នេះ កើតឡើងចំពេលមានកិច្ចខិតខំប្រឹងប្រែងសម្របសម្រួលដឹកនាំដោយប៉ាគីស្ថានដែលមានគោលបំណងបញ្ចប់ជម្លោះដែលបានចាប់ផ្តើមជាមួយនឹងការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់នៅថ្ងៃទី 28 ខែកុម្ភៈ និងត្រូវបានបន្តដោយការសងសឹករបស់អ៊ីរ៉ង់៕
