សហរដ្ឋអាមេរិក បានដាក់ទណ្ឌកម្មលើអាជ្ញាធរច្រកសមុទ្ររបស់អ៊ីរ៉ង់ ដោយចោទថាស្ថាប័ននេះបង្ខំឱ្យនាវាពាណិជ្ជកម្មបង់ប្រាក់សម្រាប់ការឆ្លងកាត់ច្រកសមុទ្រHormuzដែលជាផ្លូវដឹកជញ្ជូនប្រេងសំខាន់របស់ពិភពលោក។
ប្រភពពីសារព័ត៌មានTRT World នៅថ្ងៃទី២៨ខែឧសភា។
ក្រសួងរតនាគារអាមេរិកបានអះអាងថា ប្រាក់ដែលប្រមូលបានត្រូវបញ្ជូនទៅកាន់កងឆ្មាំបដិវត្តន៍អ៊ីរ៉ង់ (IRGC) ហើយនាវាដែលចង់ឆ្លងកាត់ដោយសុវត្ថិភាព ត្រូវផ្តល់ព័ត៌មានសម្ងាត់ និងបង់ពន្ធខុសច្បាប់។
រដ្ឋមន្ត្រីក្រសួងរតនាគារ លោក Scott Bessent បាននិយាយថា អ៊ីរ៉ង់កំពុងប្រើវិធីជំរិតទារប្រាក់ ដើម្បីរកថវិកា ខណៈរងសម្ពាធសេដ្ឋកិច្ចខ្លាំង។
សហរដ្ឋអាមេរិកក៏បានព្រមានថា បុគ្គល ឬក្រុមហ៊ុនណាដែលសហការជាមួយអាជ្ញាធរនេះ អាចប្រឈមនឹងទណ្ឌកម្មរបស់អាមេរិកផងដែរ៕
