និស្សិតរាប់ពាន់នាក់បានប្រមូលផ្តុំតវ៉ានៅរដ្ឋធានីSantiago ប្រទេសឈីលី ដើម្បីប្រឆាំងនឹងគោលនយោបាយរឹតត្បិត និងការកាត់បន្ថយថវិការបស់រដ្ឋាភិបាល។
ប្រភពពីសារព័ត៌មានTRT World នៅថ្ងៃទី៤ខែមិថុនា។
ការតវ៉ាបានប្រែក្លាយទៅជាអំពើហិង្សា បន្ទាប់ពីក្រុមបាតុករខ្លះបានគប់ដុំថ្ម និងបំផ្លាញទ្រព្យសម្បត្តិសាធារណៈ ខណៈប៉ូលិសបានចូលអន្តរាគមន៍បំបែកហ្វូងមនុស្ស។
យ៉ាងហោចណាស់មនុស្ស២៥នាក់បានរងរបួស ក្នុងនោះមានប៉ូលិស១២នាក់ផងដែរ។ ហេតុការណ៍នេះបានបង្ខំឱ្យបិទស្ថានីយ៍រថភ្លើងក្រោមដីមួយចំនួន និងបង្កការកកស្ទះចរាចរណ៍យ៉ាងខ្លាំងនៅក្នុងទីក្រុង។
ការតវ៉ានេះបង្ហាញពីការកើនឡើងនៃការមិនពេញចិត្តរបស់សាធារណជនចំពោះវិធានការសន្សំថវិការបស់រដ្ឋាភិបាល៕
