ប្រធានាធិបតីអាមេរិក លោកDonald Trump បានអះអាងថា មន្ត្រីជាន់ខ្ពស់អ៊ីរ៉ង់បានទូរស័ព្ទមកលោកដោយផ្ទាល់ ដើម្បីស្នើសុំឱ្យសហរដ្ឋអាមេរិកបញ្ឈប់ការវាយប្រហារយោធាលើអ៊ីរ៉ង់។
ប្រភពពីសារព័ត៌មានTRT World នៅថ្ងៃទី១១ខែមិថុនា។
លោកTrump បានប្រាប់ Fox News ថា កងទ័ពអាមេរិកបានធ្វើការវាយប្រហារយ៉ាងខ្លាំង ដោយប្រើមីស៊ីល Tomahawk ចំនួន 49 គ្រាប់ និងយន្តហោះចម្បាំង ដើម្បីវាយលុកគោលដៅយោធា និងប្រព័ន្ធការពារដែនអាកាសរបស់អ៊ីរ៉ង់។
ទោះជាយ៉ាងណា អ៊ីរ៉ង់បានច្រានចោលការអះអាងនេះភ្លាមៗ ដោយបញ្ជាក់ថា មិនមានមន្ត្រីអ៊ីរ៉ង់ណាម្នាក់ទាក់ទងទៅលោក Trump ដើម្បីសុំបញ្ឈប់ការវាយប្រហារឡើយ ហើយបានហៅការអះអាងនេះថាមិនពិតនិងមានគោលបំណងនយោបាយ៕
