(បាត់ដំបង)៖ សម្តេចតេជោ ហ៊ុន សែន ប្រមុខរដ្ឋស្តីទីនៃកម្ពុជា នារសៀលថ្ងៃទី១១ ខែមិថុនា ឆ្នាំ២០២៦ បានអញ្ជើញចុះត្រួតពិនិត្យរោងចក្រផលិតឯកសណ្ឋានយោធាDSS នៅក្នុងខេត្តបាត់ដំបង។
ក្នុងឱកាសនោះ សម្តេចតេជោ ហ៊ុន សែន បានថ្លែងថា ការផលិតសម្ភារៈយោធារបស់កម្ពុជានេះ។
គឺមិនមែនសម្រាប់យកទៅឈ្លានពានអ្នកណានោះទេ។
ក្នុងរយៈពេលចុងក្រោយនេះ ពោលគឺក្រោយមានរោងចក្រ DSS ទាំងកងកម្លាំងយោធា និងនគរបាលពុំបាននាំសម្ភារៈ ឬអាវក្រោះមកពីប្រទេសក្រៅទៀតទេ។
សម្តេចតេជោ បានណែនាំឱ្យលក់សម្ភារៈឯកសណ្ឋានយោធាដែលកម្ពុជាផលិតបាន ទៅក្រៅប្រទេសនៅថ្ងៃខាងមុខ។
ប៉ុន្តែការលក់ទៅក្រៅប្រទេសនេះ ធ្វើបានតែទៅប្រទេស ដែលរដ្ឋាភិបាលប្រទេសនោះបានបញ្ជាក់ជាមួយកម្ពុជាប៉ុណ្ណោះ។
សម្តេចតេជោ បានថ្លែងថា អាវការពារយោធារបស់កម្ពុជា សុទ្ធតែមានគុណភាព ហើយអាវការពារនេះនាយករដ្ឋមន្រ្តីបានសាករួចហើយ។
សម្តេចតេជោ ថ្លែងថា ត្រឹមរយៈពេលប្រមាណ៣ខែមកនេះ រាជរដ្ឋាភិបាល បានបញ្ជាទិញឯកសណ្ឋានយោធាពីរោងចក្រ DSS មានតម្លៃប្រមាណ ៧,៥លានដុល្លាររួចហើយ។
សម្តេចតេជោ ផ្តាំទៅក្រុមប្រឆាំងនៅក្រៅប្រទេស បើស្គាល់ ហ៊ុន សែន មិនច្បាស់ទេ ត្រូវរៀនទៀត បើរៀនជាតិនេះមិនអស់ទេ ត្រូវរៀនដល់ជាតិក្រោយទៀត។
សម្តេចបានបកស្រាយចំពោះអ្វីដែលសម្តេចលើកឡើងពាក់ព័ន្ធនឹងចំណុចខ្វះខាតរបស់សម្តេចកន្លងទៅ ដោយមិនបានផ្តោតសំខាន់លើវិស័យយោធា ហើយផ្តោតលើការអភិវឌ្ឍជាតិ
សម្តេចតេជោ ប្រាប់ឱ្យក្រុមប្រឆាំងរង់ចាំមើលថា តើថ្ងៃមុខវិស័យយោធារបស់កម្ពុជា នឹងរឹងម៉ាំខ្លាំងយ៉ាងណា៕
