អង្គការសហប្រជាជាតិ (UN) បានឱ្យដឹងថា ការវាយប្រហាររបស់អ្នកតាំងលំនៅអ៊ីស្រាអែលលើជនជាតិប៉ាឡេស្ទីននៅ West Bank បានកើនឡើងដល់កម្រិតខ្ពស់បំផុតមិនធ្លាប់មាន។
ប្រភពពីសារព័ត៌មានAnadolu Agency នៅថ្ងៃទី១២ខែមិថុនា។
UN បញ្ជាក់ថា នៅឆ្នាំ ២០២៦ មានការវាយប្រហារជាង ១,០០០ ករណី ឬជាមធ្យមប្រហែល ៦ ករណីក្នុងមួយថ្ងៃ ដែលបណ្តាលឱ្យមានអ្នកស្លាប់ របួស និងខូចខាតទ្រព្យសម្បត្តិ។ ជនជាតិប៉ាឡេស្ទីនជាង ២,២០០ នាក់ក៏ត្រូវបង្ខំឱ្យចាកចេញពីផ្ទះសម្បែងរបស់ខ្លួនផងដែរ។
អង្គការសហប្រជាជាតិបានអំពាវនាវឱ្យមានការការពារប្រជាជនស៊ីវិល ខណៈដែលស្ថានការណ៍នៅ West Bank កាន់តែតានតឹង ចាប់តាំងពីសង្គ្រាមនៅ Gaza Strip ផ្ទុះឡើងក្នុងឆ្នាំ ២០២៣៕
