ចំនួនអ្នកស្លាប់ដោយសារគ្រោះរញ្ជួយដីដ៏ខ្លាំងនៅភាគខាងត្បូងប្រទេសហ្វីលីពីន បានកើនឡើងដល់៦១នាក់ ខណៈមនុស្ស៣៣នាក់នៅតែបាត់ខ្លួន និងជាង១.២០០នាក់រងរបួស។
ប្រភពពីសារព័ត៌មានTRT World នៅថ្ងៃទី១៣ខែមិថុនា។
អាជ្ញាធរកំពុងបន្តស្វែងរកអ្នកបាត់ខ្លួន និងជួយសង្គ្រោះជនរងគ្រោះដែលជាប់ក្រោមអគារបាក់រលំ និងតំបន់រអិលបាក់ដី។
គ្រោះមហន្តរាយនេះបានប៉ះពាល់ដល់ប្រជាជនជាង ៥៥៣.០០០ នាក់នៅតំបន់មីនដាណាវ។ ក្នុងចំណោមនោះ មនុស្សជាង ៩.៣០០ នាក់កំពុងស្នាក់នៅមជ្ឈមណ្ឌលជម្លៀស ខណៈជាង ៥៤.០០០ នាក់ទៀតបានទៅស្នាក់នៅជាមួយសាច់ញាតិ និងមិត្តភក្តិជាបណ្តោះអាសន្ន។
ក្រុមសង្គ្រោះនៅតែបន្តប្រតិបត្តិការរបស់ខ្លួន ខណៈអាជ្ញាធរកំពុងវាយតម្លៃការខូចខាត និងផ្តល់ជំនួយដល់ប្រជាពលរដ្ឋដែលរងផលប៉ះពាល់៕
