នៅថ្ងៃសៅរ៍ទី១៣ខែមិថុនា មនុស្សម្នាក់បានស្លាប់ បន្ទាប់ពីអ៊ីស្រាអែលបើកការវាយប្រហារតាមអាកាសលើតំបន់ភាគខាងត្បូងប្រទេសលីបង់។ ជនរងគ្រោះត្រូវបានរាយការណ៍ថាស្លាប់នៅទីក្រុង Maarakeh ក្នុងស្រុកTyre។
ប្រភពពីសារព័ត៌មានAl jazeera។
ជាមួយគ្នានេះ យោធាអ៊ីស្រាអែលបានចេញបញ្ជាឱ្យប្រជាពលរដ្ឋនៅក្នុងទីក្រុងនិងភូមិចំនួន២០ជម្លៀសចេញពីផ្ទះជាបន្ទាន់ ខណៈការវាយប្រហារនៅតែបន្តកើតមាន។
ការវាយប្រហារនេះបានកើតឡើង ទោះបីមានបទឈប់បាញ់ដែលសម្របសម្រួលដោយសហរដ្ឋអាមេរិក និងកិច្ចព្រមព្រៀងឈប់បាញ់រវាងអ៊ីស្រាអែល និងលីបង់ក៏ដោយ។ ទោះជាយ៉ាងណា ការប្រយុទ្ធ និងការវាយប្រហារនៅតែបន្តកើតឡើងនៅតំបន់ព្រំដែន៕
