សហរដ្ឋអាមេរិកនិងអ៊ីរ៉ង់ ត្រូវបានរាយការណ៍ថាកំពុងខិតជិតដល់កិច្ចព្រមព្រៀងមួយ ដើម្បីបញ្ចប់ភាពតានតឹងរវាងភាគីទាំងពីរ។ ប្រធានាធិបតីអាមេរិកលោក Donald Trump និងនាយករដ្ឋមន្ត្រីប៉ាគីស្ថាន លោកShehbaz Sharif បានបង្ហាញក្តីសង្ឃឹមថា កិច្ចព្រមព្រៀងអាចត្រូវបានចុះហត្ថលេខាក្នុងពេលឆាប់ៗនេះ។
ប្រភពពីសារព័ត៌មានReuter នៅថ្ងៃទី១៤ខែមិថុនា។
តាមប្រភពព័ត៌មាន កិច្ចព្រមព្រៀងនេះនឹងរួមមានការបើកច្រកសមុទ្រHormuzឡើងវិញ ការបន្ធូរបន្ថយទណ្ឌកម្មលើអ៊ីរ៉ង់ និងការកាត់បន្ថយភាពតានតឹងជាបន្តបន្ទាប់។ អាមេរិកក៏អាចដោះលែងទ្រព្យសម្បត្តិអ៊ីរ៉ង់ដែលត្រូវបានបង្កកផងដែរ។
ទោះជាយ៉ាងណា អ៊ីរ៉ង់នៅមិនទាន់បញ្ជាក់ពីពេលវេលាចុះហត្ថលេខាជាផ្លូវការនៅឡើយទេ ហើយនៅក្នុងប្រទេសក៏មានក្រុមមួយចំនួនដែលមិនយល់ស្របនឹងកិច្ចព្រមព្រៀងនេះផងដែរ៕
