កូរ៉េខាងត្បូងកំពុងស្ថិតក្នុងស្ថានភាពលំបាក បន្ទាប់ពីមេបញ្ជាការកងទ័ពអាមេរិកប្រចាំប្រទេសនេះ លោក Xavier Brunson បានហៅកូរ៉េខាងត្បូងថាដាវមួយនៅក្នុងបេះដូងនៃអាស៊ីនិងធ្លាប់ប្រៀបធៀបប្រទេសនេះទៅនឹងនាវាផ្ទុកយន្តហោះរវាងចិននិងជប៉ុន។
ប្រភពពីសារព័ត៌មានCNA នៅថ្ងៃទី១៥ខែមិថុនា។
ការលើកឡើងនេះត្រូវបានគេចាត់ទុកថា សំដៅទៅលើតួនាទីយុទ្ធសាស្ត្ររបស់កូរ៉េខាងត្បូងក្នុងការទប់ទល់ឥទ្ធិពលរបស់ចិននៅតំបន់អាស៊ី។ ជាហេតុនាំឱ្យចិនរិះគន់យ៉ាងខ្លាំង ដោយចោទថា អាមេរិកកំពុងប្រើប្រទេសសម្ព័ន្ធមិត្តជាឧបករណ៍សម្រាប់គោលដៅយោធារបស់ខ្លួន។
អ្នកវិភាគនយោបាយ លោក Robert Kelly បាននិយាយថា ពាក្យសម្ដីរបស់មេបញ្ជាការអាមេរិកបានធ្វើឱ្យកូរ៉េខាងត្បូងកាន់តែពិបាកក្នុងការរកតុល្យភាពរវាងសម្ព័ន្ធភាពសន្តិសុខជាមួយអាមេរិក និងទំនាក់ទំនងសេដ្ឋកិច្ចដ៏សំខាន់ជាមួយចិន៕
