រដ្ឋមន្ត្រីសន្តិសុខជាតិអ៊ីស្រាអែល លោក Itamar Ben-Gvir បាននិយាយថា អ៊ីស្រាអែលមិនមែនជាភាគីក្នុងកិច្ចព្រមព្រៀងរវាងសហរដ្ឋអាមេរិកនិងអ៊ីរ៉ង់ទេ ដូច្នេះអ៊ីស្រាអែលក៏មិនចាំបាច់ធ្វើតាមកិច្ចព្រមព្រៀងនោះដែរ។
ប្រភពពីសារព័ត៌មានAnadolu Agency នៅថ្ងៃទី១៥ខែមិថុនា។
លោកបានអំពាវនាវឱ្យបន្តសម្ពាធផ្នែកយោធាលើអ៊ីរ៉ង់ និងក្រុមសម្ព័ន្ធរបស់អ៊ីរ៉ង់ ជាជាងជឿលើកិច្ចព្រមព្រៀងនយោបាយ។
ការលើកឡើងនេះកើតមានក្រោយពីប្រធានាធិបតីអាមេរិក Donald Trump បានរិះគន់ការវាយប្រហាររបស់អ៊ីស្រាអែលលើតំបន់ជាយក្រុងភាគខាងត្បូងនៃទីក្រុង Beirut ហើយបាននិយាយថា កិច្ចព្រមព្រៀងជាមួយអ៊ីរ៉ង់ត្រូវបានសម្រេចរួច ទោះបីជានាយករដ្ឋមន្ត្រីអ៊ីស្រាអែល Benjamin Netanyahu មិនយល់ស្របក៏ដោយ៕
