នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃចន្ទទី១៥.០៦.២០២៦ថា អ៊ីស្រាអែល នឹងបន្តកាន់កាប់ទឹកដីនៅភាគខាងត្បូងប្រទេសលីបង់ ទោះបីជាមានកិច្ចព្រមព្រៀង រវាងសហរដ្ឋអាមេរិក និងអ៊ីរ៉ង់ ដែលមានគោលបំណងបញ្ចប់ជម្លោះរវាងទីក្រុងវ៉ាស៊ីនតោន និងទីក្រុងតេអេរ៉ង់ក៏ដោយ។
សារព័ត៌មានAnadolu។
នៅក្នុងមតិយោបល់ ជាសាធារណៈលើកដំបូង របស់លោកលើអនុស្សរណៈនៃការយោគយល់គ្នា។
ដែលបានឈានដល់រវាងសហរដ្ឋអាមេរិក និងអ៊ីរ៉ង់ លោក Netanyahu បាននិយាយថា អ៊ីស្រាអែល នឹងបន្តរក្សាកងទ័ពនៅក្នុងអ្វីដែលលោកហៅថា “តំបន់សន្តិសុខ” ដរាបណាចាំបាច់។
លោកបានប្រាប់សន្និសីទសារព័ត៌មានមួយថា “យើងបានបង្កើតតំបន់សន្តិសុខដែលបានពង្រឹងនៅជុំវិញអ៊ីស្រាអែល។ យើងបានធ្វើបែបនេះ នៅហ្គាហ្សា លីបង់ និងស៊ីរី ហើយយើងនឹងនៅតែស្ថិតនៅក្នុងតំបន់សន្តិសុខទាំងនេះដរាបណាចាំបាច់ ដើម្បីការពារប្រទេសរបស់យើង”។
លោកបន្ថែមថា “ទាក់ទងនឹងប្រទេសលីបង់ យើងបានបង្កើតតំបន់ការពារ តំបន់សន្តិសុខ ហើយយើងនឹងស្នាក់នៅទីនោះដរាបណាចាំបាច់”។
លោក Netanyahu អះអាងថា អ៊ីរ៉ង់បានស្វែងរកការដកទ័ពរបស់អ៊ីស្រាអែល ចេញពីតំបន់ទាំងនោះ។
ប៉ុន្តែ “រឿងនោះមិនបានកើតឡើងទេ” ដោយបន្ថែមថា លោកជឿថា “មិត្តភក្តិអាមេរិករបស់យើង គោរពរឿងនោះ”៕
