អង្គការសហប្រជាជាតិបានឱ្យដឹងថា ជនស៊ីវិលជាង 1,000 នាក់នៅប្រទេសស៊ូដង់ត្រូវបានសម្លាប់ដោយការវាយប្រហារដ្រូនក្នុងរយៈពេល 5 ខែដំបូងនៃឆ្នាំ 2026 ខណៈសង្គ្រាមក្នុងប្រទេសនេះកាន់តែធ្ងន់ធ្ងរ។
ប្រភពពីសារព័ត៌មានAP នៅថ្ងៃទី១៦ខែមិថុនា។
លោក Volker Türk ឧត្តមស្នងការសិទ្ធិមនុស្សរបស់អង្គការសហប្រជាជាតិ បាននិយាយថា ការិយាល័យរបស់លោកបានកត់ត្រាការកើនឡើងយ៉ាងខ្លាំងនៃការវាយប្រហារដោយដ្រូន ព្រមទាំងអំពើហិង្សាផ្លូវភេទ និងការរំលោភសិទ្ធិមនុស្សផ្សេងៗ។
ថ្លែងនៅក្រុមប្រឹក្សាសិទ្ធិមនុស្សអង្គការសហប្រជាជាតិក្នុងទីក្រុង Geneva លោក Türk បានព្រមានថា ការប្រើប្រាស់ដ្រូនកំពុងធ្វើឱ្យជម្លោះនៅស៊ូដង់កាន់តែសាហាវ និងបង្កគ្រោះថ្នាក់ខ្លាំងដល់ប្រជាពលរដ្ឋស៊ីវិល៕
