អនុប្រធានាធិបតីអាមេរិក លោក JD Vance បាននិយាយថា លោកDonald Trump មិនដែលមានគោលដៅតែងតាំងលោក Reza Pahlavi ជាមេដឹកនាំអ៊ីរ៉ង់ឡើយ។ លោកបញ្ជាក់ថា អ្នកណាដឹកនាំអ៊ីរ៉ង់ គឺជាការសម្រេចរបស់ប្រជាជនអ៊ីរ៉ង់ខ្លួនឯង។
ប្រភពពីសារព័ត៌មានAnadolu Agency នៅថ្ងៃទី១៧ខែមិថុនា។
លោក Vance ថា គោលដៅរបស់អាមេរិកគឺបញ្ឈប់កម្មវិធីនុយក្លេអ៊ែររបស់អ៊ីរ៉ង់ តាមរយៈការចរចា ឬប្រើកម្លាំងយោធាបើចាំបាច់។
លោកក៏បាននិយាយថា កិច្ចព្រមព្រៀងថ្មីរវាងអាមេរិក និងអ៊ីរ៉ង់ អាចជួយបង្កើតសន្តិភាពនៅមជ្ឈិមបូព៌ា។ ប្រសិនបើអ៊ីរ៉ង់គោរពតាមកិច្ចព្រមព្រៀង នោះអាចទទួលបានអត្ថប្រយោជន៍សេដ្ឋកិច្ច និងការបន្ធូរបន្ថយទណ្ឌកម្ម៕
