ក្រសួងប្រេងអ៊ីរ៉ាក់ បានប្រកាសថាខ្លួនកំពុងធ្វើការស្តារផលិតកម្មប្រេងឱ្យត្រឡប់ទៅលើស ៣ លានបារ៉ែលក្នុងមួយថ្ងៃវិញ ក្នុងរយៈពេល១ទៅ២ខែ បន្ទាប់ពីផលិតកម្មបានធ្លាក់ចុះយ៉ាងខ្លាំងដោយសារសង្គ្រាមអាមេរិក-អ៊ីស្រាអែលប្រឆាំងអ៊ីរ៉ង់។
ប្រភពពីសារព័ត៌មានAnadolu Agency នៅថ្ងៃទី២០ខែមិថុនា។
តាមការបញ្ជាក់របស់មន្ត្រីក្រសួងប្រេង ផលិតកម្មប្រេងរបស់អ៊ីរ៉ាក់បានធ្លាក់ចុះប្រហែល ៦០% មកនៅត្រឹម ១,៣ លានបារ៉ែលក្នុងមួយថ្ងៃ បើប្រៀបធៀបនឹង ៣,៣ លានបារ៉ែលក្នុងមួយថ្ងៃមុនសង្គ្រាម។
មន្ត្រីរូបនេះបានឱ្យដឹងថា ក្រុមហ៊ុនប្រេងជាច្រើន រួមទាំងក្រុមហ៊ុនចិន បានចាប់ផ្តើមការងារស្តារឡើងវិញ ហើយវាលប្រេងមួយចំនួនក៏បានបង្កើនការផលិតរួចហើយ។
ទោះជាយ៉ាងណា អ៊ីរ៉ាក់មិនទាន់អាចកំណត់ពេលវេលាច្បាស់លាស់សម្រាប់ការនាំចេញប្រេងឱ្យត្រឡប់ទៅកម្រិតមុនសង្គ្រាមបានទេ ព្រោះស្ថានភាពអាងស្តុកប្រេង និងសមត្ថភាពផលិតកម្មនៅតាមវាលប្រេងនីមួយៗមានភាពខុសគ្នា៕
