តុលាការក្នុងខេត្តOntarioនៃប្រទេសកាណាដា បានសម្រេចថាលោកFrank Stronach មហាសេដ្ឋីអូទ្រីស-កាណាដា ត្រូវផ្តន្ទាទោសពីបទរំលោភបំពានផ្លូវភេទមួយករណី និងបទប្រព្រឹត្តអំពើមិនសមរម្យមួយករណី ដែលពាក់ព័ន្ធនឹងស្ត្រីពីរនាក់ កាលពីចុងទសវត្សរ៍ឆ្នាំ 1970 និងដើមទសវត្សរ៍ឆ្នាំ 1980។
ប្រភពពីសារព័ត៌មានReuter នៅថ្ងៃទី២០ខែមិថុនា។
ចៅក្រមបានពិពណ៌នាអាកប្បកិរិយាមួយចំនួនរបស់លោក Stronach ថាគួរឱ្យស្អប់ខ្ពើមនិងមិនអាចទទួលយកបាន។ ទោះយ៉ាងណា ការកំណត់ទោសនឹងធ្វើឡើងនៅពេលក្រោយ។
សូមបញ្ជាក់ថា៖ លោក Stronach ត្រូវបានប៉ូលិសចាប់ខ្លួន និងចោទប្រកាន់កាលពីឆ្នាំ 2024 ពាក់ព័ន្ធនឹងបទល្មើសជាច្រើន រួមទាំងការរំលោភផ្លូវភេទ ដែលត្រូវបានចោទថាបានកើតឡើងក្នុងរយៈពេលជាច្រើនទសវត្សរ៍ ចាប់ពីឆ្នាំ 1970 រហូតដល់ឆ្នាំ 2024។
ក្រៅពីសំណុំរឿងនេះ លោកក៏នៅប្រឈមមុខនឹងការកាត់ក្តីរំលោភផ្លូវភេទមួយផ្សេងទៀត ដែលគ្រោងធ្វើឡើងនៅឆ្នាំក្រោយផងដែរ៕
