ប្រធានាធិបតី លោកRodrigo Paz បានប្រកាសដាក់ប្រទេសក្នុងស្ថានភាពអាសន្ន ដើម្បីអំណាចកងទ័ពបើកផ្លូវឡើងវិញ។
បន្ទាប់ពីការតវ៉ារយៈពេលជាង៥សប្តាហ៍ បានបង្កការរាំងស្ទះដល់ការផ្គត់ផ្គង់ប្រេងឥន្ធនៈ និងស្បៀងអាហារនៅទូទាំងប្រទេស។
ប្រភពពីសារព័ត៌មានAP នៅថ្ងៃទី២១ខែមិថុនា។
បាតុកម្ម ដែលទាមទារឱ្យលោក Paz លាលែងពីតំណែង បានផ្ទុះឡើងជុំវិញវិធានការសេដ្ឋកិច្ចរបស់រដ្ឋាភិបាល រួមទាំងការលុបចោលការឧបត្ថម្ភធនប្រេងឥន្ធនៈ។
ការប៉ះទង្គិចគ្នារវាងក្រុមបាតុករ និងកម្លាំងសន្តិសុខបានបណ្តាលឱ្យមានការចាប់ខ្លួនយ៉ាងហោចណាស់365 នាក់ និងមនុស្ស 37 នាក់រងរបួស។
តាមអាជ្ញាធរ និងអង្គការសិទ្ធិមនុស្ស មនុស្សយ៉ាងតិច 17 នាក់បានស្លាប់ក្នុងអំឡុងវិបត្តិនេះ ដោយមួយចំនួនត្រូវបានគេជឿថាស្លាប់ដោយសារមិនអាចទទួលបានការព្យាបាលវេជ្ជសាស្ត្រទាន់ពេលវេលា ព្រោះផ្លូវដឹកជញ្ជូនត្រូវបានបិទ។
រដ្ឋាភិបាលអះអាងថា ការបិទផ្លូវបានធ្វើឱ្យរដ្ឋធានី La Paz ប្រឈមនឹងការខ្វះខាតប្រេងឥន្ធនៈ និងអាហារ ខណៈសេវាដឹកជញ្ជូន និងសេវាសុខាភិបាលរងផលប៉ះពាល់យ៉ាងធ្ងន់ធ្ងរ៕
