អនុប្រធានាធិបតីអាមេរិក លោកJD Vance បានធ្វើដំណើរទៅប្រទេសស្វីស ដើម្បីចូលរួមកិច្ចចរចាជាមួយគណៈប្រតិភូអ៊ីរ៉ង់ ដែលគ្រោងធ្វើឡើងនៅថ្ងៃអាទិត្យ។
ប្រភពពីសារព័ត៌មានRoyal news English នៅថ្ងៃទី២១ខែមិថុនា។
លោក Vance បានបង្ហាញសុទិដ្ឋិនិយមថា ការចរចាអាចជួយជំរុញវឌ្ឍនភាពលើបញ្ហាកម្មវិធីនុយក្លេអ៊ែរអ៊ីរ៉ង់ និងបទឈប់បាញ់នៅប្រទេសលីបង់។ លោកនឹងជួបជាមួយបេសកជនអាមេរិក Steve Witkoff និង Jared Kushner ក្នុងកិច្ចពិភាក្សានេះ។
ភាគីអ៊ីរ៉ង់ ដឹកនាំដោយរដ្ឋមន្ត្រីការបរទេស Abbas Araghchi បានទៅដល់ស្វីសរួចហើយ និងបានអះអាងថា អ៊ីរ៉ង់នឹងទាមទារឱ្យភាគីទាំងអស់គោរពការប្តេជ្ញាក្រោមកិច្ចព្រមព្រៀង។
កិច្ចប្រជុំនៅស្វីសត្រូវបានគេមើលឃើញថា ជាជំហានសំខាន់មួយក្នុងការរក្សាស្ថិរភាពក្នុងតំបន់ និងការពារកុំឱ្យភាពតានតឹងកាន់តែរីកធំ៕
