រដ្ឋាភិបាលឥណ្ឌូនេស៊ី កំពុងរៀបចំផែនការបញ្ចូលបច្ចេកវិទ្យាបញ្ញាសិប្បនិម្មិត(AI)ទៅក្នុងកម្មវិធីរដ្ឋសំខាន់ៗជាច្រើន រួមទាំងគម្រោងផ្គត់ផ្គង់អាហារឥតគិតថ្លៃដែលមានតម្លៃប្រមាណ ១៥ ពាន់លានដុល្លារ។
ប្រភពពីសារព័ត៌មានReutersនៅថ្ងៃទី២២ខែមិថុនា។
តាមផែនការនេះ AI នឹងត្រូវប្រើប្រាស់នៅតាមក្រសួង និងរដ្ឋបាលមូលដ្ឋានចាប់ពីឆ្នាំ ២០២៦ ដល់ ២០២៩។ សម្រាប់កម្មវិធីអាហារឥតគិតថ្លៃ AI នឹងជួយរៀបចំម៉ឺនុយឱ្យសមស្របតាមតំបន់ និងតម្រូវការអាហារូបត្ថម្ភរបស់ប្រជាជន។
រដ្ឋាភិបាលឥណ្ឌូនេស៊ីជឿថា ការប្រើប្រាស់ AI អាចជួយបង្កើនផលិតផលក្នុងស្រុកសរុប (GDP) របស់ប្រទេសបានប្រមាណ ១២% ឬស្មើនឹង ៣៦៦ ពាន់លានដុល្លារ នៅឆ្នាំ ២០៣០៕
