កិច្ចពិភាក្សារវាងអាមេរិកនិងអ៊ីរ៉ង់ នៅប្រទេសស្វីសបានបញ្ចប់ ដោយពុំមានអ្វីជាដុំកំភួន!

អ៊ីរ៉ង់ បានប្រកាសនៅព្រឹកថ្ងៃអង្គារទី២៣.០៦.២០២៦ថា កិច្ចពិភាក្សាជាមួយអាមេរិក នៅទីក្រុង Burgenstock ប្រទេសស្វីស ដែលមានការសម្របសម្រួលពីកាតា និងប៉ាគីស្ថាន ក្នុងបំណងបញ្ចប់សង្គ្រាមអាមេរិក-អ៊ីស្រាអែល-អ៊ីរ៉ង់ ត្រូវបានបញ្ចប់ហើយ។

សារព័ត៌មានAnadolu។

លោក Kazem Gharibabadi អនុរដ្ឋមន្ត្រីការបរទេស ដែលដឹកនាំក្រុមចរចាបច្ចេកទេសរបស់អ៊ីរ៉ង់ បាននិយាយថា កិច្ចពិភាក្សាភាគីទាំងបួន បានបញ្ចប់។
ដោយកិច្ចព្រមព្រៀង នឹងរៀបចំសម្រាប់ការចរចា នាពេលអនាគត រួមទាំងក្រុមការងារ និងយន្តការអនុវត្ត។
នេះបើយោងតាមការចុះផ្សាយរបស់ទីភ្នាក់ងារសារព័ត៌មាន IRNA ផ្លូវការរបស់អ៊ីរ៉ង់។

លោក Gharibabadi បាននិយាយថា ការពិភាក្សាទាំងនេះ បានកើតឡើងបន្ទាប់ពីកិច្ចប្រជុំគណៈកម្មាធិការកម្រិតខ្ពស់។
ដែលបានធ្វើឡើងកាលពីថ្ងៃអាទិត្យ ដើម្បីតាមដានការអនុវត្តអនុស្សរណៈនៃការយោគយល់គ្នា របស់អ៊ីស្លាម៉ាបាដ ដែលជាកិច្ចព្រមព្រៀង ក្របខ័ណ្ឌមួយដើម្បីបញ្ចប់សង្គ្រាម។
ដែលបានចុះហត្ថលេខា ដោយប្រធានាធិបតីអាមេរិក និងអ៊ីរ៉ង់នៅថ្ងៃទី១៧ ខែមិថុនា ដែលបានបន្តរហូតដល់ថ្ងៃចន្ទ។

លោកបានមានប្រសាសន៍ថា “ការពិភាក្សាបច្ចេកទេស ត្រូវបានធ្វើឡើងដើម្បីកំណត់យន្តការអនុវត្តអនុស្សរណៈនៃការយោគយល់គ្នា និងសេចក្តីថ្លែងការណ៍ ដែលចេញនៅពេលបញ្ចប់កិច្ចប្រជុំកម្រិតខ្ពស់ ហើយការយោគយល់គ្នាចាំបាច់ត្រូវបានសម្រេច”។

លោក Gharibabadi បានកត់សម្គាល់ថា ក្រោមការរៀបចំដែលបានព្រមព្រៀងគ្នា ការចរចានាពេលអនាគតនឹងត្រូវធ្វើឡើងក្រោមការត្រួតពិនិត្យរបស់គណៈកម្មាធិការកម្រិតខ្ពស់។
ដែលមានការចូលរួមពីប្រធានសភាអ៊ីរ៉ង់ លោក Mohammed Bagher Qalibaf និងរដ្ឋមន្ត្រីការបរទេស លោក Abbas Araghchi អនុប្រធានាធិបតីអាមេរិក លោក JD Vance នាយករដ្ឋមន្ត្រីប៉ាគីស្ថាន លោក Shehbaz Sharif និងនាយករដ្ឋមន្ត្រីកាតា លោក Mohammed bin Abdulrahman។

លោកបានបន្ថែមថា ភាគីនានាបានព្រមព្រៀងគ្នា បង្កើតក្រុមការងារចំនួន៤ ដែលទាក់ទងនឹងការដកចេញទណ្ឌកម្ម ទណ្ឌកម្មទាក់ទងនឹងនុយក្លេអ៊ែរ ការកសាងឡើងវិញ និងការអភិវឌ្ឍសេដ្ឋកិច្ច និងការត្រួតពិនិត្យ និងការអនុវត្ត។

យោងតាមលោក Gharibabadi អ្នកចូលរួមក៏បានព្រមព្រៀងគ្នា បង្កើត “ចំណុចទំនាក់ទំនង”ក្នុងចំណោមរដ្ឋជាសមាជិក ។
បង្កើតអនុស្សរណៈនៃការយោគយល់គ្នាដើម្បីធានាការឆ្លងកាត់ដោយសុវត្ថិភាពនៃនាវាពាណិជ្ជកម្មឆ្លងកាត់ច្រកសមុទ្រ Hormuz និងបង្កើត”អង្គភាពបង្ការជម្លោះ” របស់លីបង់ដែលពាក់ព័ន្ធនឹងប្រទេសចូលរួម ក៏ដូចជាប៉ាគីស្ថាន និងកាតា។

លោកបានគូសបញ្ជាក់ថា ប្រធានក្រុមបច្ចេកទេសទាំង៤ នឹងរាយការណ៍ទៅគណៈកម្មាធិការកម្រិតខ្ពស់ និងត្រួតពិនិត្យសកម្មភាពរបស់ក្រុមការងារ និងអង្គភាពដែលទើបបង្កើតថ្មី។

លោក Gharibabadi ក៏បាននិយាយផងដែរថា កិច្ចពិភាក្សាបច្ចេកទេសបានដោះស្រាយនីតិវិធីទាក់ទងនឹងការចេញអាជ្ញាប័ណ្ណទូទៅសម្រាប់ការនាំចេញប្រេង ប្រេងកាត និងគីមីឥន្ធនៈរបស់អ៊ីរ៉ង់ និងសេវាកម្មពាក់ព័ន្ធ ក៏ដូចជាការរៀបចំទាក់ទងនឹងការដោះលែងទ្រព្យសម្បត្តិអ៊ីរ៉ង់ដែលបង្កក៕