លោក Mohammad Bagher Ghalibaf ប្រធានក្រុមចរចារបស់អ៊ីរ៉ង់ បាននិយាយថាច្រកសមុទ្រStrait of Hormuz នឹងបន្តស្ថិតក្រោមការគ្រប់គ្រងរបស់អ៊ីរ៉ង់ ហើយនឹងមិនវិលត្រឡប់ទៅស្ថានភាពមុនសង្គ្រាមវិញឡើយ។
ប្រភពពីសារព័ត៌មានTRT World នៅថ្ងៃទី២៣ខែមិថុនា។
ការលើកឡើងនេះធ្វើឡើងបន្ទាប់ពីកិច្ចចរចារវាងអ៊ីរ៉ង់ និងអាមឹរិកនៅប្រទេសស្វីសដែលមានគោលបំណងបន្ធូរបន្ថយភាពតានតឹងក្នុងតំបន់មជ្ឈិមបូព៌ា និងរក្សាផ្លូវដឹកជញ្ជូនប្រេងដ៏សំខាន់នេះឱ្យបន្តបើកចំហ។
លោក Ghalibaf បានអះអាងថា កិច្ចចរចាបានទទួលលទ្ធផលវិជ្ជមាន រួមទាំងការពិភាក្សាអំពីច្រក Hormuz បញ្ហាប្រទេសលីបង់ ការលើកលែងទណ្ឌកម្មលើការនាំចេញប្រេង និងការដោះលែងទ្រព្យសម្បត្តិអ៊ីរ៉ង់ដែលត្រូវបានបង្កក។
ទោះជាយ៉ាងណា លោក Ghalibaf បានបញ្ជាក់ថា កិច្ចព្រមព្រៀងនេះគ្រាន់តែជាជំហានដំបូងប៉ុណ្ណោះ ហើយការចរចានៅតែត្រូវបន្តទៀត៕
