ការវាយប្រហាររបស់អ៊ីស្រាអែលនៅភាគខាងត្បូងលីបង់ បានបង្កការខូចខាតអគារនិងផ្ទះសម្បែងមានតម្លៃប្រមាណ១,៣៨ ពាន់លានដុល្លារ។
ប្រភពពីសារព័ត៌មានAnadolu Agency នៅថ្ងៃទី២៣ខែមិថុនា
របាយការណ៍បង្ហាញថា អគារជាង១១,០០០ខ្នងត្រូវបានបំផ្លាញទាំងស្រុង ខណៈអគាររាប់ពាន់ខ្នងទៀតរងការខូចខាតធ្ងន់ធ្ងរ ឬស្រាល។ ការវាយតម្លៃនេះធ្វើឡើងដោយប្រើរូបភាពផ្កាយរណប និងបច្ចេកវិទ្យា AI។
មន្ត្រីលីបង់បានអះអាងថា ការវាយប្រហាររបស់អ៊ីស្រាអែលចាប់តាំងពីខែមីនា បានសម្លាប់មនុស្សជាង ៤,១០០ នាក់ របួសជាង ១២,០០០ នាក់ និងបង្ខំឱ្យប្រជាជនជាង ១ លាននាក់ចាកចេញពីផ្ទះសម្បែងរបស់ពួកគេ។
របាយការណ៍នេះក៏បញ្ជាក់ថា តួលេខខូចខាត ១,៣៨ ពាន់លានដុល្លារ មិនទាន់រាប់បញ្ចូលការខូចខាតលើផ្លូវ ស្ពាន បណ្តាញអគ្គិសនី និងហេដ្ឋារចនាសម្ព័ន្ធសំខាន់ៗផ្សេងទៀតនៅឡើយទេ៕
