មេដឹកនាំកូរ៉េខាងជើង លោកKim Jong Un បាននិយាយថា ប្រទេសរបស់លោកគួរតែសាងសង់នាវាចម្បាំងធំៗចំនួន២គ្រឿងក្នុងមួយឆ្នាំ សម្រាប់រយៈពេល៥ឆ្នាំខាងមុខ ដើម្បីពង្រឹងកម្លាំងកងទ័ពជើងទឹក។
ប្រភពពីសារព័ត៌មានTRT World នៅថ្ងៃទី២៤ខែមិថុនា។
លោក គីម បានលើកឡើងបែបនេះក្នុងពិធីដាក់ឱ្យប្រើប្រាស់នាវាពិឃាតថ្មី Choe Hyon ទម្ងន់ ៥,០០០ តោន នៅកំពង់ផែ Nampho។ លោកបានអះអាងថា កងទ័ពជើងទឹកគឺជាចំណុចខ្សោយបំផុតរបស់យោធាកូរ៉េខាងជើង ដូច្នេះត្រូវការអភិវឌ្ឍ និងធ្វើទំនើបកម្មបន្ថែម។
តាមការចុះផ្សាយរបស់ Korean Central News Agency (KCNA) កូរ៉េខាងជើងក៏គ្រោងដាក់ឱ្យប្រើប្រាស់នាវាពិឃាតមួយគ្រឿងទៀតឈ្មោះ Kang Kon និងបន្តអភិវឌ្ឍនាវាចម្បាំងធំជាងនេះទៀតនាពេលខាងមុខ៕
