អ៊ីស្រាអែលបានចំណាយ និងខាតបង់សេដ្ឋកិច្ចសរុបជិត 205 ពាន់លានដុល្លារ ចាប់តាំងពីសង្គ្រាមបានចាប់ផ្តើមនៅថ្ងៃទី 7 ខែតុលា ឆ្នាំ 2023។
ប្រភពពីសារព័ត៌មានAnadolu Agency នៅថ្ងៃទី២៥ខែមិថុនា។
ចំនួននេះរួមមានការចំណាយរបស់រដ្ឋាភិបាលលើវិស័យយោធា ការផ្តល់សំណង ជំនួយយោធាពីសហរដ្ឋអាមេរិក និងការខាតបង់សេដ្ឋកិច្ចដោយសារសកម្មភាពអាជីវកម្មធ្លាក់ចុះ។
របាយការណ៍បានបញ្ជាក់ថា សង្គ្រាមនៅហ្គាហ្សា លីបង់ ស៊ីរី និងអ៊ីរ៉ង់ បានបង្កើនបន្ទុកថវិកាជាតិ និងធ្វើឱ្យថ្លៃរស់នៅកើនឡើង ខណៈអាជីវកម្មជាច្រើនរងផលប៉ះពាល់។
អ្នកជំនាញចាត់ទុកថា នេះជាសង្គ្រាមដែលមានការចំណាយខ្ពស់បំផុតក្នុងប្រវត្តិសាស្ត្រអ៊ីស្រាអែល ហើយផលប៉ះពាល់សេដ្ឋកិច្ចអាចបន្តអស់រយៈពេលជាច្រើនឆ្នាំទៀត៕
