អ៊ីរ៉ង់បានប្រកាសថា ខ្លួនមានសិទ្ធិគ្រប់គ្រងការដឹកជញ្ជូននៅច្រកសមុទ្រHormuz និងព្រមានប្រទេសនៅតំបន់ឈូងសមុទ្រកុំឱ្យគាំទ្រសហរដ្ឋអាមេរិក។
ប្រភពពីសារព័ត៌មានReuter នៅថ្ងៃទី២៦ខែមិថុនា។
ការអះអាងនេះធ្វើឡើង បន្ទាប់ពីកប៉ាល់មួយរងការវាយប្រហារដោយវត្ថុមិនស្គាល់អត្តសញ្ញាណនៅជិតប្រទេសអូម៉ង់។ មន្ត្រីអាមេរិកពីររូបបានចោទថា អ៊ីរ៉ង់ជាអ្នកនៅពីក្រោយការវាយប្រហារនេះ ប៉ុន្តែអ៊ីរ៉ង់មិនទាន់ឆ្លើយតបនឹងការចោទប្រកាន់នោះទេ។
ជាមួយគ្នានេះ អ៊ីរ៉ង់ក៏បានរិះគន់សេចក្តីថ្លែងការណ៍រួមរបស់សហរដ្ឋអាមេរិក និងប្រទេសឈូងសមុទ្រចំនួន៦ ដែលបដិសេធការទាមទាររបស់អ៊ីរ៉ង់ឱ្យគិតថ្លៃសេវាពីនាវាឆ្លងកាត់ច្រកសមុទ្រ Hormuz៕
