អ៊ីស្រាអែល បានបញ្ចេញឯកសារសម្ងាត់ជាលើកដំបូង ដែលបង្ហាញពីការសម្រេចចិត្ត និងការរៀបចំប្រតិបត្តិការ Entebbe ឆ្នាំ១៩៧៦ ដើម្បីជួយសង្គ្រោះចំណាប់ខ្មាំងជាង ១០០នាក់ ដែលត្រូវបានក្រុមប្រដាប់អាវុធចាប់ឃុំក្នុងប្រទេសអ៊ូហ្គង់ដា។
ប្រភពពីសារព័ត៌មានAP នៅថ្ងៃទី២៧ខែមិថុនា។
ប្រតិបត្តិការនេះមានរយៈពេលតិចជាងមួយម៉ោង ដោយកងកុម្ម៉ង់ដូអ៊ីស្រាអែលបានវាយឆ្មក់អាកាសយានដ្ឋាន Entebbe និងជួយសង្គ្រោះអ្នកដំណើរភាគច្រើនដោយជោគជ័យ។ បេសកកម្មនេះត្រូវបានចាត់ទុកថាជាប្រតិបត្តិការជួយសង្គ្រោះចំណាប់ខ្មាំងដ៏ល្បីល្បាញមួយក្នុងប្រវត្តិសាស្ត្រ ដោយសារភាពស្មុគស្មាញ និងហានិភ័យខ្ពស់៕
