នៅថ្ងៃទី២៧ខែមិថុនា សហរដ្ឋអាមេរិកបានបើកការវាយប្រហារលើអ៊ីរ៉ង់ ដើម្បីឆ្លើយតបទៅនឹងការវាយប្រហារដោយដ្រូនលើកប៉ាល់ដឹកទំនិញមួយនៅច្រកសមុទ្រHormuz កាលពីមួយថ្ងៃមុន។
ប្រភពពីសារព័ត៌មានAP។
ប្រធានាធិបតីអាមេរិក លោក Donald Trump បានថ្លែងថា ការវាយប្រហារដ្រូននោះគឺជាការរំលោភលើបទឈប់បាញ់ ដែលភាគីទាំងពីរបានឯកភាពគ្នាកាលពីមួយសប្តាហ៍មុន ដើម្បីបន្ធូរភាពតានតឹង និងបើកផ្លូវដឹកជញ្ជូនសំខាន់នេះឡើងវិញ។
ការវាយប្រហារថ្មីនេះ បង្កើនការព្រួយបារម្ភថា កិច្ចព្រមព្រៀងបន្ធូរភាពតានតឹងរវាងអាមេរិក និងអ៊ីរ៉ង់ អាចនឹងដួលរលំ និងធ្វើឱ្យស្ថានការណ៍នៅតំបន់មជ្ឈិមបូព៌ាកាន់តែតានតឹងឡើង៕
