សាធារណរដ្ឋប្រជាធិបតេយ្យកុងហ្គោ(DRC)បានដាក់ពាក្យប្តឹងប្រទេសរវ៉ាន់ដាទៅកាន់តុលាការយុត្តិធម៌អន្តរជាតិ(ICJ) ដោយចោទថា រវ៉ាន់ដា ជាប់ពាក់ព័ន្ធនឹងការរំលោភសិទ្ធិមនុស្ស និងអំពើឃោរឃៅនៅភាគខាងកើតកុងហ្គោ អស់រយៈពេលប្រមាណ៣០ឆ្នាំ។
ប្រភពពីសារព័ត៌មានAl Jazeera នៅថ្ងៃទី២៧ខែមិថុនា។
ក្នុងពាក្យបណ្តឹង កុងហ្គោចោទប្រកាន់ថា រវ៉ាន់ដា និងក្រុមប្រដាប់អាវុធដែលខ្លួនគាំទ្រ រួមទាំងក្រុម M23 បានប្រព្រឹត្តអំពើសម្លាប់រង្គាល ការសម្លាប់ក្រៅប្រព័ន្ធតុលាការ ការធ្វើទារុណកម្ម អំពើហិង្សាផ្លូវភេទ និងការបង្ខំឱ្យប្រជាជនរាប់លាននាក់ផ្លាស់ទីលំនៅ ចាប់តាំងពីឆ្នាំ១៩៩៦ រហូតមកដល់បច្ចុប្បន្ន។
តុលាការ ICJ បានបញ្ជាក់ថា បានទទួលពាក្យបណ្តឹងនេះរួចហើយ ហើយសំណុំរឿងពាក់ព័ន្ធនឹងការចោទប្រកាន់ថា រវ៉ាន់ដាបានរំលោភច្បាប់អន្តរជាតិនៅក្នុងទឹកដីភាគខាងកើតនៃកុងហ្គោ៕
