ការវាយប្រហាររបស់អ៊ីស្រាអែលនៅតំបន់ហ្គាហ្សា បានសម្លាប់ជនជាតិប៉ាឡេស្ទីនយ៉ាងហោចណាស់៨នាក់ ខណៈមនុស្សជាច្រើននាក់ទៀតបានរងរបួស។
ប្រភពពីសារព័ត៌មានTRT World នៅថ្ងៃទី៣០ខែមិថុនា។
ប្រភពព័ត៌មានផ្នែកវេជ្ជសាស្ត្របានឱ្យដឹងថា ការវាយប្រហារមួយបានកើតឡើងលើតង់ជនភៀសខ្លួននៅតំបន់ Al-Mawasi ក្នុងទីក្រុង Khan Younis ដែលបណ្តាលឱ្យម្តាយ និងកូនស្រីស្លាប់។ ការវាយប្រហារផ្សេងទៀតនៅ Khan Younis និង Deir al-Balah ក៏បានសម្លាប់មនុស្សជាច្រើននាក់ផងដែរ។
ហេតុការណ៍នេះកើតឡើង ខណៈការប្រយុទ្ធ និងការរំលោភលើបទឈប់បាញ់នៅហ្គាហ្សានៅតែបន្ត៕
