លោក Elon Musk បានបដិសេធរបាយការណ៍របស់កាសែត Wall Street Journal ដែលអះអាងថាក្រុមហ៊ុន SpaceX បានបង្ហាញគំរូទូរសព្ទឆ្លាតវៃបំពាក់បច្ចេកវិទ្យាបញ្ញាសិប្បនិម្មិត (AI) ដល់វិនិយោគិន មុនពេលក្រុមហ៊ុនគ្រោងចូលផ្សារហ៊ុន (IPO)។
ប្រភពពីសារព័ត៌មានReuter នៅថ្ងៃទី២ខែកក្កដា។
លោក Musk បានសរសេរនៅលើបណ្ដាញសង្គម X ថា ព័ត៌មាននេះមិនពិតទេ ប៉ុន្តែមិនបានបញ្ជាក់លម្អិតបន្ថែម។
សូមបញ្ជាក់ថា៖ យោងតាមរបាយការណ៍របស់ Wall Street Journal ទូរសព្ទគំរូនោះត្រូវបានរចនាឱ្យដំណើរការលើប្រព័ន្ធប្រតិបត្តិការផ្ទាល់ខ្លួន ប្រើបច្ចេកវិទ្យា AI របស់ក្រុមហ៊ុន xAI និងបំពាក់បន្ទះឈីប Snapdragon របស់ Qualcomm។ ទោះជាយ៉ាងណា រហូតមកដល់ពេលនេះ SpaceX មិនទាន់បានបញ្ជាក់ ឬធ្វើអត្ថាធិប្បាយបន្ថែមជុំវិញការអះអាងនេះនៅឡើយ៕
