(ភ្នំពេញ)៖ ចៅក្រមស៊ើបសួរ នៃសាលាដំបូងរាជធានីភ្នំពេញ នៅល្ងាចថ្ងៃទី០២.០៧.២០២៦ បានសម្រេចចេញដីកាឃុំខ្លួនលោក យឿន សុឡា(ហៅKO1)ដាក់ពន្ធនាគារជាបណ្ដោះអាសន្ន ពីបទហិង្សាដោយចេតនា ប្រព្រឹត្តនៅចំណុចក្រុមហ៊ុនខេ០១ រៀលអីស្វេត ឯ.ក ស្ថិតនៅដីឡូតិ៍គ្មានលេខ ផ្លូវលំ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ កាលពីថ្ងៃទី២៨ ខែមិថុនា ឆ្នាំ២០២៦ តាមបញ្ញត្តិមាត្រា២១៧ នៃក្រមព្រហ្មទណ្ឌ.!។
*នេះបើយោងតាមដីកាបង្គាប់ឱ្យឃុំខ្លួនដែល”ដើមរាំង”ទើបទទួលបាន!។
ជនត្រូវចោទឈ្មោះ យឿន សុឡា ហៅ KO1 ភេទប្រុសកើតថ្ងៃទី១០ ខែឧសភា ឆ្នាំ១៩៨៥ ជនជាតិខ្មែរ សាសនាព្រះពុទ្ធ មុខរបរប្រធានក្រុមហ៊ុនអចលនទ្រព្យKO1 កម្រិតវប្បធម៌បរិញ្ញាបត្រ ទីកន្លែងកំណើតនៅឃុំព្រៃគ្រី ស្រុកកំពង់លែង ខេត្តកំពង់ឆ្នាំង ទីលំនៅបច្ចុប្បន្នស្នាក់នៅផ្ទះលេខ៨៤ ភូមិ១៣ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ឪពុកឈ្មោះ ខាត់ ឈឿន “ស្លាប់”ម្តាយឈ្មោះ ញៀន ញ៉ុក “ស្លាប់” ប្រពន្ធឈ្មោះ ឈាង គន្ធី មានកូនចំនួន១នាក់ ជានីតិជន ទោសពីមុនគ្មាន។
*មាត្រា២១៧ នៃក្រមព្រហ្មទណ្ឌ បានចែងថា អំពើហិង្សាប្រព្រឹត្តដោយចេតនាលើអ្នកដទៃ ត្រូវផ្ដន្ទាទោសដាក់ពន្ធនាគារពី១ឆ្នាំ ទៅ៣ឆ្នាំ និងពិន័យជាប្រាក់ពី២លានរៀល ទៅ៦លានរៀល។
សូមជម្រាបថា លោក ឃឿន សុឡា ហៅK01 ត្រូវសមត្ថកិច្ចនគរបាលរាជធានីភ្នំពេញ ឃាត់ខ្លួនកាលពីថ្ងៃទី៣០.០៦.២០២៦ ក្រោយលោក K01 ធ្វើការអប់រំយុវជន.បែបហិង្សា និងល្បីពេញបណ្ដាញសង្គម៕
