កងទ័ពអ៊ីស្រាអែល បានប្រកាសថាកងពលតូច Givati បានបញ្ចប់បេសកកម្មរបស់ខ្លួននៅភាគខាងត្បូងប្រទេសលីបង់ បន្ទាប់ពីប្រតិបត្តិការអស់រយៈពេល៨ ខែ។ យោធាអ៊ីស្រាអែលមិនបានបញ្ជាក់ពីមូលហេតុនៃការបញ្ចប់ការដាក់ពង្រាយនេះឡើយ។
ប្រភពពីសារព័ត៌មានAnadolu Agency នៅថ្ងៃទី៣ខែកក្កដា។
ប្រព័ន្ធផ្សព្វផ្សាយអ៊ីស្រាអែលបានរាយការណ៍ថា ការផ្លាស់ប្តូរនេះអាចជាផ្នែកមួយនៃការរៀបចំដាក់ពង្រាយកងទ័ពឡើងវិញ ស្របតាមកិច្ចព្រមព្រៀងក្របខ័ណ្ឌដែលសម្របសម្រួលដោយសហរដ្ឋអាមេរិករវាងអ៊ីស្រាអែល និងលីបង់ ដែលមានគោលបំណងដកកងទ័ពអ៊ីស្រាអែលចេញពីតំបន់មួយចំនួនជាដំណាក់កាល៕
