រដ្ឋាភិបាលអ៊ីស្រាអែល បានអនុម័តផែនការសាងសង់ការតាំងទីលំនៅថ្មីចំនួន១៣កន្លែង នៅតំបន់West Bank ដែលខ្លួនកំពុងកាន់កាប់។ គម្រោងនេះនឹងចាប់ផ្តើមជាដំណាក់កាល ដោយសាងសង់មុនពី ៤ ទៅ ៦ កន្លែងក្នុងប៉ុន្មានខែខាងមុខ។
ប្រភពពីសារព័ត៌មានAnadolu Agency នៅថ្ងៃទី៣ខែកក្កដា។
មន្ត្រីប៉ាឡេស្ទីនបានរិះគន់ថា ផែនការនេះនឹងបង្កើនការពង្រីកការតាំងទីលំនៅ បំបែកទឹកដី West Bank និងធ្វើឱ្យក្រុងយេរូសាឡឹមខាងកើតកាន់តែដាច់ឆ្ងាយពីតំបន់ប៉ាឡេស្ទីន។ ភាគីប៉ាឡេស្ទីនក៏បានអំពាវនាវឱ្យសហគមន៍អន្តរជាតិជួយទប់ស្កាត់គម្រោងនេះ ដោយចាត់ទុកថាជាការរំលោភច្បាប់អន្តរជាតិ៕
