ក្រុមចម្រុះដឹកនាំដោយអារ៉ាប៊ីសាអូឌីត បានព្រមានថានឹងឆ្លើយតបដោយកម្លាំងខ្លាំង ប្រសិនបើក្រុមហ៊ូធីបើកការវាយប្រហារលើអារ៉ាប៊ីសាអូឌីត ឬរំលោភអធិបតេយ្យភាពរបស់យេម៉ែន។
ប្រភពពីសារព័ត៌មានAnadolu Ahency នៅថ្ងៃទី៤ខែកក្កដា។
អ្នកនាំពាក្យក្រុមចម្រុះ លោក Turki al-Malki បាននិយាយថា ការគំរាមរបស់ក្រុមហ៊ូធី គឺជាការប៉ុនប៉ងបង្វែរការចាប់អារម្មណ៍ពីវិបត្តិដែលក្រុមនេះបានបង្កនៅយេម៉ែន។ លោកក៏បានចោទថា ហ៊ូធីនៅតែបន្តវាយប្រហារផ្លូវដឹកជញ្ជូនអន្តរជាតិនៅសមុទ្រក្រហម។
សូមបញ្ជាក់ថា៖ ការព្រមាននេះ កើតឡើងបន្ទាប់ពីអ្នកនាំពាក្យយោធាហ៊ូធី លោក Yahya Saree បានគំរាមវាយប្រហារលើអាកាសយានដ្ឋាន និងគោលដៅសំខាន់ៗក្នុងអារ៉ាប៊ីសាអូឌីត៕
