ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្លែងថា រុស្ស៊ី និងសហរដ្ឋអាមេរិក ក្នុងនាមជាមហាអំណាចនុយក្លេអ៊ែរធំបំផុតទាំងពីរ មានការទទួលខុសត្រូវរួមក្នុងការរក្សាសន្តិសុខ និងស្ថិរភាពសកល។
ប្រភពពីសារព័ត៌មានAnadolu Agency នៅថ្ងៃទី៤ខែកក្កដា។
ការលើកឡើងនេះធ្វើឡើងក្នុងសារអបអរសាទរផ្ញើជូនប្រធានាធិបតីអាមេរិក លោក ដូណាល់ ត្រាំ ក្នុងឱកាសទិវាឯករាជ្យអាមេរិកគម្រប់ខួប ២៥០ ឆ្នាំ។ លោកពូទីនបានចាត់ទុកការចុះហត្ថលេខាលើសេចក្តីប្រកាសឯករាជ្យរបស់អាមេរិកថា ជាព្រឹត្តិការណ៍ដ៏សំខាន់មួយក្នុងប្រវត្តិសាស្ត្រពិភពលោក។
ជាមួយគ្នានេះ លោកពូទីនបានបង្ហាញក្តីសង្ឃឹមថា ទំនាក់ទំនងរវាងទីក្រុងមូស្គូ និងទីក្រុងវ៉ាស៊ីនតោន នឹងអាចអភិវឌ្ឍទៅក្នុងទិសដៅដែលមានលក្ខណៈស្ថាបនា ស្មើភាព និងផ្តល់ផលប្រយោជន៍ទៅវិញទៅមក ដើម្បីបម្រើផលប្រយោជន៍របស់ប្រទេសទាំងពីរ និងសហគមន៍អន្តរជាតិ៕
