នៅថ្ងៃទី៤ ខែកក្កដា អ៊ុយក្រែន ប្រើដ្រូនវាយប្រហារលើតំបន់ជិតទីក្រុង St. Petersburg របស់រុស្ស៊ីដោយកំណត់គោលដៅលើស្ថានីយប្រេង កំពង់ផែ និងមូលដ្ឋានទ័ពជើងទឹក Kronstadt។
ប្រភពពីសារព័ត៌មានAl Jazeera។
អាជ្ញាធររុស្ស៊ីឱ្យដឹងថា ប្រព័ន្ធការពារដែនអាកាសបានបាញ់ទម្លាក់ UAV ចំនួន ៧២ គ្រឿងនៅតំបន់ Leningrad និងសរុប ៣៨៩ គ្រឿងទូទាំងប្រទេស។ ការវាយប្រហារនេះបានបង្ខំឱ្យអាកាសយានដ្ឋាន Pulkovo ផ្អាកជើងហោះហើរជាបណ្តោះអាសន្ន និងបិទសេវាអ៊ីនធឺណិតចល័តនៅក្នុងទីក្រុង ដើម្បីរារាំងប្រព័ន្ធរុករករបស់ UAV។
មន្ត្រីរុស្ស៊ីបានបញ្ជាក់ថា កម្ទេចកម្ទី UAV បានធ្លាក់លើស្ថានីយប្រេងឥន្ធនៈ កំពង់ផែ និងតំបន់វិមានប្រវត្តិសាស្ត្រ Peterhof ប៉ុន្តែមិនបានរាយការណ៍ពីអ្នកស្លាប់ ឬរបួសនោះទេ៕
