មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យការសាកល្បងអាវុធនៅលើនាវាពិឃាតថ្មីKang Kon ទម្ងន់ ៥,០០០ តោន។ ការសាកល្បងនេះរួមមានការបាញ់មីស៊ីលបញ្ជាដែលមានសមត្ថភាពផ្ទុកក្បាលគ្រាប់នុយក្លេអ៊ែរ កាំភ្លើងធំ កាំភ្លើងស្វ័យប្រវត្តិ និងការធ្វើតេស្តប្រព័ន្ធសង្គ្រាមអេឡិចត្រូនិក។
ប្រភពពីសារព័ត៌មានTRT World នៅថ្ងៃទី៤ខែកក្កដា។
យោងតាមប្រព័ន្ធផ្សព្វផ្សាយរដ្ឋ លោក គីម បានបញ្ជាឱ្យបញ្ចប់ការសាកល្បង និងដាក់នាវាពិឃាតនេះចូលបម្រើការក្នុងកងទ័ពជើងទឹករយៈពេល២ខែខាងមុខ។
ការសាកល្បងនេះកើតឡើងក្រោយពីកូរ៉េខាងជើងបានដាក់ឱ្យប្រើប្រាស់នាវាពិឃាតទំនើបដំបូងរបស់ខ្លួន Choe Hyon កាលពីចុងខែមិថុនា។ លោក គីម បានបញ្ជាក់ថា ប្រទេសរបស់លោកកំពុងពន្លឿនការកសាងកងទ័ពជើងទឹកដែលមានសមត្ថភាពប្រើអាវុធនុយក្លេអ៊ែរ និងអភិវឌ្ឍនាវាមុជទឹកដើរដោយថាមពលនុយក្លេអ៊ែរ៕
