តុលាការកំពូលអ៊ីស្រាអែល បានបញ្ជាឱ្យរដ្ឋាភិបាលឆ្លើយតបត្រឹមថ្ងៃអង្គារ ជុំវិញញត្តិដែលស្នើសុំឱ្យដោះលែងគ្រូពេទ្យប៉ាឡេស្ទីនចំនួន១៤នាក់មកពីតំបន់ហ្គាហ្សា ដែលកំពុងត្រូវបានឃុំខ្លួនដោយគ្មានការចោទប្រកាន់ ឬការកាត់ក្តី។
ប្រភពពីសារព័ត៌មានTRT World នៅថ្ងៃទី៦ខែកក្កដា។
យោងតាមអង្គការគ្រូពេទ្យដើម្បីសិទ្ធិមនុស្ស (PHR) ក្នុងចំណោមអ្នកត្រូវបានឃុំខ្លួន មានលោកវេជ្ជបណ្ឌិត Husam Abu Safiya នាយកមន្ទីរពេទ្យ Kamal Adwan ដែលមេធាវីរបស់លោកអះអាងថា បានរងការវាយដំជាបន្តបន្ទាប់ និងកំពុងប្រឈមបញ្ហាសុខភាពធ្ងន់ធ្ងរ ដែលអាចគំរាមកំហែងដល់អាយុជីវិត។
PHR បញ្ជាក់ថា ញត្តិនេះត្រូវបានដាក់ជូនតុលាការតាំងពីថ្ងៃទី៣០ ខែមេសា ប៉ុន្តែរដ្ឋាភិបាលបានស្នើសុំពន្យារពេលឆ្លើយតបជាច្រើនលើក មុនពេលតុលាការកំណត់ថ្ងៃផុតកំណត់ចុងក្រោយឱ្យបង្ហាញជំហរលើករណីនេះ៕
