នៅព្រឹកថ្ងៃទី៦ ខែកក្កដា អាជ្ញាធរអ៊ុយក្រែនបានឱ្យដឹងថា រុស្ស៊ីបានបើកការវាយប្រហារដ៏ធំដោយប្រើដ្រូននិងមីស៊ីលលើតំបន់គៀវ ស្លាប់យ៉ាងហោចណាស់១០នាក់ និងបណ្តាលឱ្យមនុស្ស៦១នាក់រងរបួស។
ប្រភពពីសារព័ត៌មានAnadolu Agency។
មន្ត្រីអ៊ុយក្រែនបានបញ្ជាក់ថា មនុស្ស៩នាក់បានស្លាប់នៅក្នុងទីក្រុងគៀវ និងម្នាក់ទៀតនៅតំបន់ជុំវិញ។ ការវាយប្រហារបានបង្កការខូចខាតយ៉ាងធ្ងន់ធ្ងរដល់អគារលំនៅដ្ឋាន និងហេដ្ឋារចនាសម្ព័ន្ធស៊ីវិល ដោយក្រុមសង្គ្រោះបានជម្លៀសប្រជាពលរដ្ឋជាច្រើននាក់ចេញពីអគារខ្ពស់ដែលរងការខូចខាត និងអគ្គិភ័យ។
ភាគីរុស្ស៊ីបានអះអាងថា ការវាយប្រហារនេះគឺជាការឆ្លើយតបទៅនឹងអ្វីដែលខ្លួនហៅថា «ការវាយប្រហារភេរវកម្ម» របស់អ៊ុយក្រែនលើហេដ្ឋារចនាសម្ព័ន្ធស៊ីវិលក្នុងប្រទេសរុស្ស៊ី៕
