ភ្លើងឆេះព្រៃនៅតំបន់Pyrenees-Orientales ភាគខាងត្បូងប្រទេសបារាំង នៅតែបន្តរាលដាល ដោយបង្ខំឱ្យអាជ្ញាធរជម្លៀសប្រជាជនប្រមាណ ១២,០០០នាក់ ចេញពីតំបន់គ្រោះថ្នាក់។
ប្រភពពីសារព័ត៌មានAnadolu Agency នៅថ្ងៃទី៧ខែកក្កដា។
អាជ្ញាធរបានដាក់ពង្រាយអ្នកពន្លត់អគ្គិភ័យប្រមាណ៨០០នាក់ ដើម្បីទប់ស្កាត់ភ្លើង ដែលបានឆេះផ្ទៃដីប្រហែល ៤,៩០០ហិកតា ហើយមិនទាន់អាចគ្រប់គ្រងបានទាំងស្រុងនៅឡើយ។
ស្ថានភាពកាន់តែពិបាកដោយសារអាកាសធាតុក្តៅខ្លាំង ដោយតំបន់ខ្លះអាចមានសីតុណ្ហភាពឡើងដល់ ៤១អង្សាសេ។ អាជ្ញាធរបារាំងបានព្រមានពីហានិភ័យភ្លើងឆេះព្រៃខ្ពស់នៅតំបន់ជាច្រើន៕
